Hegoaldean, Euskal Autonomia Erkidegoan, joan den martxoko hauteskunden ondorioz badakigu aldaketa haundia badatorrela.
Patxi Lopezek hauteskunden ondoko lehen jendaurre huntan, huna nola mintzatu den :

Berriki, Benedito XVI.a aita sainduak, Afrikara joaitean, ihesa eta kondoien erabilerari buruz, Batikanoko Elizaren iritzia eman du. Bazterrak asaldatu dira.

Herria aspertua da Elizaren larderiaz, aitzineko urtetan gure arbasoek eta aitamek jasan dutena.
Eta segitzen du bere diskurtso moralistarekin.
Moralista batek, iritzi bat ematerakoan, bere burua garbi behar luke !
Eta zer entzuten dugu ? eskuin eta ezker pedofilia ixtorio zikin batzu, apez bihurri eta makur batzuen ganik !
Elizak ez du jakin sexualitate gaia hartzen sanoki, betidanik emaztearen irudia zikindu du eta debrutu. Balukete budista fraileen erakaspenetik zer ikas Europear eta mendebalaldeko sinesdunek !
Halako diskurtsoak atxikiz, duen sinesgarritasun hura ere galtzen du.
Holako artzainburu batekin, ez da artaldea esku onetan
eta nola halako bati fida ?
Ni ez hasteko !

Martxoaren 14ean, denetan hontzaren gaua antolatua izanen da hegazti misteriotsu hau hobeki ezagutzeko. Biriatun, euskal kostaldeko CPIE, LPO , Lauburu eta SAIAK elkarteei esker, ekitaldi bat iraganen da gau hortan.

Abbadiako ondare animatzaile den Fabienne Gracyk koordinatuko du ekitaldia : lehenik, Biriatuko Intxaurreta salan, "les ailes de la nuit" filma ikusgai izanen da 20:30tan. Ondotik, publikoa oihanburura joanen da Claude Labat Lauburu elkartekoa eta Alain Pagoaga Saiak elkartekidea entzutera : hontzaren inguruko sinesmenak eta ikertze zientifikoak aipatuko dauzkigute. Gau xori hunen inguruan alabaina, hanbat sineste oker eta fama txarrekoak lotuak dira, misteriotsua eta ezezaguna baita. Egia erran ere, ez da errex ikustea hobeki ezagutzeko ! huni buruz dauzkagun bideoak atseginak dira jakitate gosea pittin bat asetzeko :

Xehetasun gehiago nahi baditutzue hontzari buruz, uebgune bat dedikatua zaio hontzaren gaua dela eta.

Interneten arrakasta ikusiz, ainitz kexatu dira ez ote ziren liburuak desagertuko, ohidura berri batzu sortu baitira sarearen bidez. Beste gisa batekoa. Ez dute internetazaleek irakurketa utzi, erran ginezake ez dutela besterik egiten.
Argitaletxek teknika berriak baliatzen dituzte irakurtze proposamenak ugaltzeko, hala nola e-book, liburuak sarean irakurgai eskainiz. Hegoaldean, malgutasun handiz erabiltzen dituzte autoren zuzenbideak eta, errexki, irakur ditaizke liburu batzu, pagatu gabe (ikus armiarma uebgunea).

Felipe Juaristi idazle poeta

Bi hitzez Felipe Juaristi aurkezteko, erran dezagun 1957an sortu azkoitiarra berriketari, idazle eta poeta dela. Bi aldizkari sortu ditu : Literatu gazeta eta Porrot.
Berriki, Susa argitaletxeak Felipe Juaristiren lehen eleberria sarean ezarri du,
"Intzensua lurrean bezala" 1988an Baroja argitaletxeak lehen aldikotz argitaratua. Laborari giroan bizi den auzo baten historia, haren gorabeherak eta desagertzea kondatzen dauzku.

Irakurketa eskaintza geroz eta zabalagoa dela, dudarik ez, eta ez zait iruditzen paperezko liburuari itzala egiten dionik, formato numerikoak eskutan hartu eta nahi dugunean pausa dezakegun liburua ez bailezake ordezka.