Dimanche 19 juillet 2009

Kuxkuxtu txaranga Azkainen






Azkaingo Xoko Ona ostatuak Kuxkuxtu txaranga gomitatu du bere bigarren diska aurkezterat.
Okasione ona lekuko ostatuak animatzeko, segitu ditugu beraz, ostatuz ostatu, trago bat hartuz han eta hemen (avec modération  halere !).


"Plazan" Maider Laduchen ostatutik hasi dira,

gaitzeko trenpuan ziren Kuxkuxtu taldeko

musikari eta kantariak :







Ondotik, "Dominique" eta Sanfrantegian "Chez Jeanette" ostatuetan barna.

Hor herriko gazteak jadanik kantuz ari ziren Pantxo Elizalde Azkaingo akordeonista eta Gachen musikaria lagun.






Arrats goxo hau bururatu dugu
Xoko Ona ostatuan,
udako gure lehen marmitakoa jan eta,
kantuz eta dantzan...



Zenbat musika tresna ez den aurkitzen txaranga huntan eta beste hoinbeste talendu !

Diska eskuratzeko, ikus taldeko kide bat edo berdin Beñat Elizondo Pausuko Saia ostatuan !!!
Par Maite - Publié dans : Musika herrikoia - Communauté : Blogueurs du Pays Basque
Ecrire un commentaire - Voir les commentaires - Recommander
Samedi 18 juillet 2009

Etxe xorien besta !



Lehen xitaldiaren umeak, koxkorturik, oilotegiko janariaz airos bazkatzen direlarik, aitamak frango okupatuak dira ondoko xitaldia martxan eman beharrez !!!
Par Maite - Publié dans : natura - Communauté : Blogueurs du Pays Basque
Ecrire un commentaire - Voir les commentaires - Recommander
Lundi 13 juillet 2009

Maddi Zubeldia uztailaren 24ean Azkaine Serresen


Maddi Zubeldia
boz eta hitz adi adi atxikitzen zaituztenak,
sustraietan oinarritzen direnak,
 nortasun sakon bat azaleratzen dutenak,
 bozkarioz gozatzen direnak
Harekin : Txomin Arizaga (gitarra eta ahotsa), Battitt Urchegui (akordeoia), Mizel Biscay (flauta eta ahotsa), Ramuntxo Zubeldia (ahotsa), Jakes Etcheverria (akordeoia eta ahotsa), Mixel Luro (Amarra-ko tenor ezaguna), Urko Arozena xistularia (marinba).



Uztailaren 24an beraz Serreseko kaperan, 21:00 etan EVAH Espace de vie pour adulte handicapé elkartearen alde.
ZATOZTE ZIBURUTAR AUTORE-KONPOSITORE KANTARIXA BARNAKORRAREN DESKUBRITZERA !!!

Par Maite - Publié dans : kantua - Communauté : Blogueurs du Pays Basque
Ecrire un commentaire - Voir les commentaires - Recommander
Lundi 13 juillet 2009

Zorion lurretan




Metro batzu igo
Zerutik hurbiltzeko,

Joaren musika,
Xorien xixtua,
Isiltasuna entzuteko,

Gogo bihotzak betetzeko,

Lasai
Baketsu
Zer gehiago
Zorion hutsaren lurretan
Par Maite - Publié dans : natura - Communauté : Blogueurs du Pays Basque
Ecrire un commentaire - Voir les commentaires - Recommander
Dimanche 5 juillet 2009

Bilboko orkestra sinfonikoa Japonian

Japonian gaindi 9 egunez ibiliz, Guridi, Sarasate, Ravel eta beste konpositore ospetsuen obrak joko dituzte Bilboko orkestra sinfonikoaren goi mailako musikariek.
Euskal-Herria munduan zehar ezagutarazteko modu bat, dudarik gabe, kultura, dantza eta sukaldaritzarekin...
Rikardo Arregi saria ukan berri duen Olatz Simon berriketariak dauku aurkezten erreportai hau :

Par Maite - Publié dans : Musika klasikoa - Communauté : Blogueurs du Pays Basque
Ecrire un commentaire - Voir les commentaires - Recommander
Samedi 4 juillet 2009

Udarekin oporraldi giroan sartua

Sasoin ederrak pausatzeko gogoa emaiten du,  bizia gozatzeko parada usaian baino gehiago.

Ez dira ez okasioneak falta (hondartza, kontzertu, ibilaldi, etabar). Urrunegi joan gabe, Nafarroako turismo uebguneak proposamen parrasta bat eskaintzen dauku, merexi du behako bat emaitea !



Par Maite - Publié dans : ondarea - Communauté : Blogueurs du Pays Basque
Ecrire un commentaire - Voir les commentaires - Recommander
Dimanche 28 juin 2009

Google Earthen bilakaera iraultzagarria

Google Earth eta Google Maps-i esker, norapait joan aitzin, ikus dezakegu nun kokatua den eta zein itxura daukan.
Gune batzu 3 Dtan agertzen dira eta berdin, New-Yorkeko karrika nagusi bat zeharkatzen ibil ditaiken.
Euskal-Herriari dagokionez, orain Donostia 3 Dtan ikus daiteke : hauxe ba teknikaren martxa !!!
(Agian, gelditzen zaizkigun oraino leku batzu pribatuki bizitzeko libertatearekin !)
Par Maite - Publié dans : Aktualitatea - Communauté : Blogueurs du Pays Basque
Ecrire un commentaire - Voir les commentaires - Recommander
Samedi 20 juin 2009

Jondonaane suaren unibertsitaltasuna


'Sorgiña'-ren erretzea Necochean. Ikus zenbat metroko altuera hartzen duen, euskal dantzariak inguruan dantzan ari zaizkiola.
Huna beraz nola diasporako euskaldunek ospatzen duten udako solstizioa markatzen duen Jondonibane besta, Buenos Airesetik 500 kilometrotara den Necochen.
Denek dakigun bezala, kristautasunez jantzi den aspaldiko errito hunek eguzkia ohoratzen zuen.
Tradizioak dio, sua izpiritu gaiztoak uxatzeko pizten dela. Horrela, gazteek suaren gainetik hiru aldiz salto egin behar dute arima garbitzeko eta urte on bat iragaiteko. Zenbait lekutan ere, suan botatzen dira oroitzapen txarrak eragiten dizkiguten objektuak, gauzak onerako alda daitezen. Sineskerien artean bada beste bat : honek dio paper batean idatzi behar dugula lortu nahi dugun zerbait eta sura bota. Suposatzen da paperean eskatutakoa urtean zehar beteko dela.

Ipar hemisferoan egunik luzeena balin bada, hego emisferoan laburrena izanen da.
Han ta hemen beraz, gisa batez edo bestela, ospakizunak antolatuko dira.
Erakusterat ematen du erritoen berezitasuna, beharra eta unibertsitaltasuna. Urteko zikloa markatzeko, sasoinak, hots biziaren zentzu emaile. Informazio gehiago aurkituko duzue Joseba Etxarriren euskalkultura gunean.

Par Maite - Publié dans : tradizioa - Communauté : Blogueurs du Pays Basque
Ecrire un commentaire - Voir les commentaires - Recommander
Dimanche 14 juin 2009

Mutrikuk 800 urte (1209-2009)



Nahiz xuxen ez jakin noiz sortu den herrigune bat Mutrikun (lehen aldikotz Mortrico izena irakurtzen da dokumentu batean 1200 ean),  Alfonso VIII. erregeak eman zion ofizialki hiri gutuna 1209ko irailaren 1ean.







Arrantza indartzeko fundatu zen.
Alabainan, ezkerreko marrazki xahar hunek erakusten duen bezala, badia batean, ba herria, ba portua, babesturik zauden. Geografikoki, leku aparta garai hartan bale ihizira joaiteko.









Urtebetze hau ospatzeko, Mutrikuk ekitaldi andana bat antolatua du urte osoan zehar. Adibidez, ekainaren 28an, antzeztuko dituzte bale harrapaketa eta arrantzaren inguruko lanbide zaharrak. Partehartzaileetan, ikusiko da Ziburuko Itsas-Begia elkarteko "Brokoa" txalupa.


Xehetasun gehiagorentzat, jo Mutrikuko udalaren internet gunera.
Par Maite - Publié dans : ondarea - Communauté : Blogueurs du Pays Basque
Ecrire un commentaire - Voir les commentaires - Recommander
Dimanche 7 juin 2009

Lertxunak berritz Araban bizi



Ez daude ingurumenaren aktualitatean berri txarrak bakarrik.
Araban kokatua den Uribarri Ganboako urtegian, Aranzadi elkarteari esker, ikusten ditugu lertxun umeak. Babestua den gune hortara berritz itzuli dira eta gelditu lertxunak. Hamar bat bikotek ondoko sasoinaldirako xori ibiltariak munduratu dituzte.
Esperantza ttantta bat.
Par Maite - Publié dans : natura - Communauté : Blogueurs du Pays Basque
Ecrire un commentaire - Voir les commentaires - Recommander

Aurkezpen/Présentation

 

Euskal natura

 

Akitaniako fauna

 

Azken idazki/Derniers articles

liste complète

 

Bertso Txapelketa nagusia 2009

 

Euskal kultura/Culture basque

 

Bilaketa/Recherche

 

Saiak Elkartea

 

Hegaztien migrazioa

 

Atalak/Catégories

 

Media batzu/Quelques médias

 

Artxibo/Archives

 

Créez votre blog gratuit

 

Adierazpen/Commentaires

 

Egutegi/Calendrier

Novembre 2009
L M M J V S D
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
<< < > >>

 

Syndication

  • Flux RSS des articles

 

Créer un blog sur over-blog.com - Contact - C.G.U. - Rémunération en droits d'auteur - Signaler un abus - Articles les plus commentés