2009ko abenduaren 8a, luzaz oroituko da egun huntaz Sebastian Gonzalez gure azkaindar herritarra, Iparraldeko lehen 4 1/2ko txapelduna bilakatu baita. Azkainera itzultzean, Axafla-baita ostatuan, ahaide eta lagun batzu errezebitu dute txapelduna. Mementu hunkigarriena, aitak semea besarkatu duelarik (ez du aitak
partidarik gehiago segitzen, ez kantxan, ez eta etxean, bihotzagatik). Jendearen harreraz biziki hunkitua, gogotik ari izan da galdegin sinaduren ematen... Aupa Sebastian,eta diozun bezalaAupa Iparraldea eta pilota !!!
Hara ! eskutan ditut finalerako txartel guziak (autobusa, sarrera, bazkaria) eta 14 500 behazaleen artean izango naiz, lehen aldikotz, Iparraldeko bertsozale lagun
batzuekin.
Bertsolaritzaren hitzordu nagusi hunendako prest !
eitb.com-eko bideo pollit hunek oroitarazten dauku badirela oraino bizitegi diren itsasargi batzu. Deba eta Castro artean dagon Matxitxakoko itsasargi honetan
daudenak Bizkaiko beste itsasargien ardura dute ere.
Zein polliki dion hor bizi izan den adineko emazte honek : ez zuen ez haur denboran jostagailurik behar, Kantauri itsasoaren begi zaindari zagon itsasargi hortan !
Olheta Ibardin alde hortan, 100 hektara kixkali dira, 8 hektara landatze berri eginak suntsitu.
19:00etan, su-hiltzaileek sua menean edo kasik hila zutela, berriz abiatu da. Susmoa dute norbeitek piztu duela berriz. Gaueko 01:00 arte aritu dira, Urruñako laborari batzuen laguntzarekin.
Gure etxetik, bistan dugu mendia, Larrun Ttikitik, Olheta, Ibardin, Aiako Harriak, Jaizkibeleraino.
Hasiak dira suak pizten iralekuak eta larreak garbitzeko. Aspaldiko ohitura honek irauten du eta gaurregun gehiago ere, ez baita iratzea eta otea ihaurki gisa gehiago baliatzen animaleendako.
Haatik, gaurko haize azkarrarekin su emaitea !
Olhetan, Ibardin aldean, etxeak badira eta gauarekin, horien zaintzeko, su-hiltzaileak deituko dira behin eta berriro.
Alde batetik beldurra, bestetik zentzugabekeria, hara zoin diren berehala gogora heldu zauzkidan hitzak sua mendian pizturik ikusten dutanean...
:
Azkainen bizi, besteak beste natura eta euskal kulturazale naiz.
Vivant à Ascain (7 km près de Saint-Jean-de-Luz), aimant la culture basque, je suis sensible à la nature et curieuse de tout.
"A chaque oiseau son chant".
Adierazpen/Commentaires